Laboratorio Invisibel

Vai con este post un fragmento da primeira clase de O goberno de si e dos outros que Foucault impartiu no Collège de France un ano antes da súa morte. O libro non foi publicado en castelán ata este mesmo ano -a súa publicación en inglés está prevista para xuño do 2010. O curso forma parte do último Foucault, aquel deu un xiro dende a “historia do presente” (obras comprendidas entre Nietzsche, a xenealoxía, a historia ata  Historia da Sexualidade. Vol.1), ata o que chamou a “historia do pensamento” ou a “ontoloxía histórica de nós mesmos” (p.ex. Historia da Sexualidade. Vol.2 e 3, curso A hermenéutica do suxeito; ver tamén as entrevistas “De la amistad como modo de vida” e “Sexo, poder y políticas de la identidad” ).

O extracto que pego é o típico momento en que Foucault vira a cabeza para atrás e tenta explicar cal é o sentido e intención da súa obra. Neste caso, define o seu proxecto -”ontoloxía histórica de nós mesmos”- como unha investigación dos “focos experiencias“. A súa vez, estes focos de experiencias comprenderían tres conxuntos referidos a: (1) saber (formación das prácticas discursivas que crean as formas de saber posibeis); (2) poder (matrices normativas de comportamentos); (3) prácticas de si (tecnoloxías do eu, modos de existencia virtuales para suxeitos posíbeis).

Sen dúbida, este último Foucault vai a dar moito que falar, e o estudo do biopoder, que nos traemos entre mans, fica incompleto sen tales reflexións.

Ler o resto desta entrada »